Општина Битола, ги завршува отпочнатите инфраструктурни активности. Градоначалникот Тони Коњановски, денеска изврши увид на работата на терен и асфалтирањето на втората делница од улицата „Булевар 1 Мај“, со што и овој проект влегува во завршна фаза. Градоначалникот, изрази голема благодарност до граѓаните за трпението кое го покажаа деновиве, додека траат работните активности, до СВР Битола за дадената поддршка и регулирањето на сообраќајот во овој дел на градот во деновите кога раздвиженоста на граѓаните е особено голема. Коњановски, се заблагодари и на изведувачите за нивната ангажираност и работа и во вечерните часови, со што дадоа поддршка на посветеното работење на општината за успешно завршување на оваа градежна сезона.Со овој проект, беше опфатена реконструкција на коловоз, канализација и водовод на „Булевар 1 Мај“, од улицата „Добривое Радосављевиќ“ до улицата „4 Ноември“. Завршувањето на проектот, вклучува комплетно уредување и поставување на ново улично осветлување со 25 канделабри на потегот од „Мал Безистен“ до улица „4 Ноември“. Вкупната вредност на овој проект изнесува 17.802.287 денари.

Се асфалтира “Булеварот 1- Мај“
More from ВестиMore posts in Вести »
- Во ОУ “Гоце Делчев“ одбележана 151 годишнина од раѓањето на нивниот патрон
- Билтен на МВР: групна тепачка во 3 часот наутро, приведување заради марихуана, каснување од куче скитник
- Чествување по повод 151 годишнината од раѓањето на Гоце Делчев
- Одбојкарките стартуваа со дерби на двете најдобри екипи во Втората лига, Митковски очекува да се “гине“ во Штип
- СВР Битола: ноќеска 14 возачи под дејство на алкохол