Заврши изминатата 2022, во која извонредната македонска ИТ компанија, КОСМИК ДИВЕЛОПМЕНТ која вработува и гради тимови за потребите на светски познати компании ширум светот, ги сумираше впечатоците, ги направи аналитиките и во одлично расположение влегуваат во празниците кои ги искористија да ги соопштат убавите вести со јавноста.-Додека ни траат деновите на одмор во кој уживаме во домашниот амбиент, имаме време за многу филмови, за топло чоколадо и за музички празнични плејлисти и за добри позитивни вести, сакаме да споделиме со вас во овие мирни денови, каква беше нашата 2022 година и зошто сме добра приказна. 2022 година може да се заокружи како една од најуспешните години за Космик Девелопмент. Успехот на компанијата се мери преку растот на бројот на вработени, кој во 2022 изнесуваше дури 40%, споредено со минатата. Тоа е само еден голем знак како сериозно расте бројот на клиенти и проекти на кои работевме, а особено не прави горди високата стапка на employment retention. Стратегијата која ќе не води во 2023 е повеќе од ветувачка, истото темпо на раст е планирано за новата година која штотуку започна.
Во изминатите 365 денови се инвестираше сериозно во делот на професионален развој на вработените, преку овозможување на различни програми и платформи за учење и доусовршување, дома и во странство, сериозен буџет беше одвоен за посета на настани и за внатрешни и надворешни обуки. Освен модерните канцеларии кои ги имаме во Скопје, во Белград, пред неполн месец, отворивме co-working канцеларија во што беше одлично заокружување на тој дел инвестиции, а посветивме време на планови и старт на реализација за новиот простор во Битола, кој ќе биде фантастичен.
Нашиот тим во 2022 доби многу бенефити, а новина е приватно здравствено осигурување за потесните семејства на вработените, со што компанијата вложува не само во вработените, туку и во нивните најблиски”-истакнуваат од КОСМИК ДЕВЕЛОПМЕНТ. На нивната предновогодишна забава, ги наградија најдобрите. Забавата, која беше тематска и ги врати гостите во ерата на 80-тите кога диско забавите беа многу популарни, под наслов “Let’s Dance”, комапнијата ја искористи на најубав начин, така што забавата со диско топки, коктели и ретро плејлисти ја претвори во фандрејзинг во кој комапнијата заедно со нивните тимови од трите точки на кои функционира КОСМИК ДЕВЕЛОПМЕНТ, собраа средства кои ги наменија за спортски стипендии за талентирани деца од ранливи категории.
Уште една акција, во која се вклучи комапнијата на најубав начин ја заокружува измината година за нив. А тоа е, нивната понуда на повикот на Битолскиот народен театар кој започна акција во декември, “ОСТВАРИ ЖЕЛБА” во која компанијата се понуди да ја земе листата од пристигнати желби и да ја оствари во целост. Ова беше акција, посветена на децата од категориите на социјално загрозените семејства, за кои празниците се само уште еден ден за борба со немаштијата која ги следи.
-Сакаме на убав начин да ги направиме радосни празниците за овие деца. А тоа се деца на семејства кои имаа егзистенцијални проблеми, деца на самохрани родители и ги спојува едно нешто, а тоа е тешкиот животен пат. Знаеме дека нема да го промениме целиот свет со тоа, но ќе го разубавиме нивниот свет на еден ден, истакнуваат од КОСМИК ДЕВЕЛОПМЕНТ.
2023 година е година на значајни предизвици за компанијата. Новите простории во Битола, ќе прикажат кои футуристички трендови во дизајнирање на работен простор ќе ги добие Македонија. Компанијата на своите вработени веќе им го претстави новиот пакет на бенефити, кој со сигурност е еден од ретките од ваков тип кај нас, а продолжуваат и плановите за раст и развој на секој вработен. КОСМИК ДЕВЕЛОПМЕНТ е една фантастична приказна, за враќање во татковината на наши исеченици кои од мала канцеларија во Скопје пред 11 години, денес имаат своја глобална мрежа на канцеларии и близу 150 вработени. Позади оваа компанија е и еден од македонските unicorn стартапи, со вредност од преку две милијарди, кој неодамна стана public на њујоршката берза NASDAQ. Дел од тимот на Cosmic Development имаше шанса да го искуси тој миг, да биде присутен на чинот кога берзата ја објави трансакцијата, веројатно искуство кое се памети цел живот.
Cosmic Development е инаку канадска компанија која спроведува ИТ решенија и услуги за дополнување на персоналот со повеќедецениски мандат. Обезбедуваат прилагодени решенија, на кој работи посветен кадар за компании од сите формати. Благодарение на нивниот индивидуален пристап, имаат квалификувани програмери и други професионалци од различни деловни области и создаваат адаптабилни и посветени тимови за нивните клиенти ширум светот.
![](https://i0.wp.com/bitolanews.mk/wp-content/uploads/2023/01/sonce-999.jpg?fit=1002%2C624&ssl=1)
“Космик Девелопмент“ ИТ компанија: 2022 ни беше одлична година, а 2023 ќе биде нашата година
More from КомерцијаMore posts in Комерција »
- Пријавувањето за “Трчеј бе“ завршува на 10 септемри, ова се послендите денови за да имаш свое место
- Најдобрите бизнис настани се кај нас, хотел “Капри“
- “Јавен адвертајзинг“ со едукативни ИТ обуки за развивање на креативни и логички способности кај децата
- “Боди М“: време е за обновување
- Жан Митрев Дијагностик: комплетен супспецијалистички кардиолошки преглед по специјална промотивна цена