Пелистер – Кожув 5:0 (1:0)
Денес на стадинот “Петар Милошевски“, под Тумбекафе, во Битола стартуваа фудбалерите на Пелистер во рамките на Втората фудбалска лига, во која “пелистерци“ со нов тренер и нова управа, влегуваат со јасна амбиција враќање во Првата лига.Оваа цел дека не е неоставрлива покажаа фудбалерите на Пелистер со убедлива победа над екипата на Кожув, со резултат 5:0, полувреме 1:0, во натпреварот во рамките на 16. коло.
Головите за Пелистер за сигурна и убедлива победа ги постигнаа Бојан Спирковски во првото полувеме, а на стартот на второто полувреме бележиме два гола на Борче Маневски веднаш по влегувањето во игра по кое беше 3:0. Четвртиот гол е на Бурхан Мустафов, а за конечни 5:0 во судиското продолжение се погрижи Благојче Љамчевски со гол кој ретко се гледа на фудблските терени, гол од 25 метри со волеј удар по избедувањето на корнер.
По 16 одиграни кола Пелистер е на 4. место со 33 бода, првопласирана е екипата на Гостивар со 40, на второ место е Воска спорт со 37, колку што има и третопласираниот Вардар.