Press "Enter" to skip to content

Стерјев на ракометарите им ги претстави Јовиќ, Зарков и Шундовски, кои го одржаа и првиот тренинг (фотогалерија)

Попладнево во Битола, во спортската сала “Боро Чурлевски“ беа претставени новите тренери во тимот на Еурофарм Пелистер, а на ракометарире им ги претстави и им се обрати претседателот Зоран Стерјев, кој на сите им посака успешна работа и титули.-Посакувам да е успешен преостаниот дел од сезоната која е во тек и да ги достигниме нашите цели со тоа што ќе ја освоиме титулата во првенството и во Купот и да стигнеме со СЕХА фајнлфорот. Посакувам сакам да гледам како напредувате кон целта и затоа веќе имаме нов старт со професионален тим на тренери. Тука се Алексндар Јовиќ, Александар Зарков и Ѕвонко Шундовски. Ви посакувам успех на сите и добро здравје за преостаната сезона и се надевам на крајот од сезоната дека ќе прославуваме за освоениите две титули, рече Стерјев.Александар Јовиќ пред да го одработи првиот тренинг им се обрати на ракометарите и рече:-Прво сакам да се заблагодарам за доверабата кој нам ни е укажана и во овој сензитивен момент за клубот. Сакам да упатам благодарност за Шундовски шти прифати понудта од Управата да биде дел од нас. Со неговото огромно искуство ќе ни помогне мене и на Зарков во работата и ќе ни помогне да ги оствариме зацртаните цели во оваа сезона. Мисламе дека имаме одличен тим, сите сте одлични играчи како поединци, имаме време со позитивна мисла, врена работа и правилно насочување од наша страна нема причина се да исполнеме. Имаме уште најмногу три месеци до крајот на сезоната и би ве замолил сите да се фокусираме максимално на индивудуален и колективен план.Ѕвонко Шундовски при своето враѓање во салата по повеќе години додаде:-Јас сум тука да го подржувам битолкскиот ракомет најпрво, но и да му помогнам на Ацо и Александар. Тука сме сите заедно да ја донесиме титулата во Битола. Многу од играчите доаѓаат од различни држави и можеби не разбираат на кој начин треба да ја вратиме титутала која ја нема долго време во Битола. Јас ве следам цело време, ги знам сите играчи и мислам дека се многу добри, но фали нешто, има некој мал проблем, за кој сме дојдени да го пронајдиме и решиме. Но и Вие, играчите, треба да помогнете да ја вратиме дуплата титула во најракометниот град. Знаеме дека имаме малку време, во тоа време иако е малку, ќе направиме се што можеме да ја вратиме титулата, и ви посакувам успех до крајот на сезоната.По обраќањето беше одработен и првиот тренинг со новите тренери.

More from ВестиMore posts in Вести »