Press "Enter" to skip to content

Костадиновска-Стојчевска од Битола: изложбата “Првите кралеви на Европа“ во САД е голем пробив за македонската археологија во светот

Министерката за култура Бисера Костадиновска-Стојчевска денеска во Битола се обрати на прес-конференцијата по повод претстојното големо отворање на првата изложба на македонски археолошки артефакти и прва и најголема археолошка изложба од Балканот во светот – „Првите кралеви на Европа“ – во Чикаго, Соединети Американски Држави.-Десетици археолошки артефакти од повеќе македонски локалитети ќе бидат презентирани пред американската јавност како дел од изложбата „Првите кралеви во Европа“ во престижниот Филдов музеј во Чикаго. Пред светот гордо ги претставуваме експонатите неолитски жртвеник, енеолитски скиптар и железнодобен накит од локалитетите Врбјанска Чука, Шуплевец и Милци, пред светот ќе проговориме за достигнувањата на луѓето од нашата земја кои живееле и создавале уметност, ги развивале технологијата и стопанството во периодот од 7 до 5 милениум пред новата ера. Огромна благодарност до Американската амбасада која даде поддршка за проектот и уверена сум дека „Првите кралеви во Европа“ ќе ни донесат трајни пријателства кои ќе отворат нови можности за нова соработка, рече Министерката за култура Бисера Костадиновска-Стојчевска.Директорката на битолскиот Завод и Музеј, Мери Стојанова рече дека од  предистортиска збирка на Заводот и Музеј е вклучен еден предмет, тоа е скиптарот од Шуплевец, уникатен и репрезентативен примерок каков што нема сличен во овој дел од Балкнскиот Полиуостров, а ова е прва можност предмет да биде изложен во Америка.

More from КултураMore posts in Култура »