Денес во просториите на Ректоратот, Универзитетот „Св. Климент Охридски“ – Битола потпиша билатерален договор со Универзитетот „Мајка Тереза“ од Скопје.Потпис на документот ставија ректорите, проф. д-р Игор Неделковски и академик Изет Зеќири. Тие ги дефинираа наставно-научните области од заеднички интерес како и модалитетите за реализација на активности во делот на размени на кадри и студенти, учество во заеднички научно-истражувачки и други проекти, оргнизирање семинари, конференции, академски форуми и други форми на академска соработка.
Двајцата колеги ректори ја истакнаа потребата од соработка. Тие оценија дека имаат взаемен интерес за академско поврзување во повеќе области. Особено е нагласена потребата за сплотеност што ќе помогне полесно надминување на актуелните предизвици во виското образование и ќе овозможи повеќе и подобри резултати во работењето.
На чинот на потпишување на договорот што се одржа во ректоратпт на УКЛО, покрај ректорот на УМТ, Изет Зеќири присуствуваа и проректорите: проф. д-р Бујамин Бела, проф. д-р Беким Фетаји и деканот на Факултетот за технички науки, проф. д-р Неритан Туркеши.
Домаќини од УКЛО, покрај ректорот Неделковски беа неколку члена од Ректорскиот колегиум, проректорите: проф. д-р Јасмина Буневска – Талевска, проф. д-р Јове Димитрија Талевски и проф. д-р Горан Илиќ, претседателот на Универзитетскиот сенат, проф. д-р Николче Јанкуловски и раководители од Централната стручна и административна служба.
Ова е прв билатерален договор што проф. д-р Игор Неделковски го потпишува по стапување на функцијата ректорна УКЛО. Инаку, првиот договор за соработка меѓу УМТ и УКЛО беше потпишан на 10 јануари 2018 г. и имаше важност од три години.
![](https://i0.wp.com/bitolanews.mk/wp-content/uploads/2023/03/uklo-potpis-5-copy.jpg?fit=1000%2C684&ssl=1)
УКЛО Битола потпиша Договор за билатералната соработка со Универзитетот „Мајка Тереза“ од Скопје
More from ВестиMore posts in Вести »
- Театарската претставата “Крал Лир“ изведена во “Вила Де Ниро“ пред светската премиера на Охридско лето (фотогалерија)
- Премиерот Христијан Мицковски во посета на Битола (фотогалерија)
- Американецот Брајан Антоан е нов играч на КК Пелистер од Битола
- СВР Битола: кражба на мопед, сопруга пријавила физички напад од сопруг, малолетничко насилство, пронајдена артилериска граната
- Илјадници верници синоќа и денес во црквата “Св. Архангел Гаврил“ кај “Довлеџик“ во Битола (фото)