На вчерашното 33. издание на уличната трка “Еckernförder MTV“ во Германија, членот на АК Олимп, Кристиан Стојани од Битола, освои 2. место и соборувајќи го личниот рекорд на 10 километри.
На перфектна патека сертифицирана од Германска атлетска асоцијација, тој беше втор од вкупно 200 натпреварувачи со нов личен рекорд од 32:48.
-Секој кој што се занимава со атлетика барем во нашите простори знае колку многу значи рушењето на границата од 33 минути. Земајќи го во предвид фактот дека пролаз на 5 км имав 16:10 не се ни сомневам во совладување на уште една атлетска бариера 5 км под 16минути, ни изјави Стојани.
За кратко го очекуваме на наш терен, во Македонија да ја покаже својата атлетска форма на трките на кои ја започна својата кариера.
