Вечерва, во НУ Центар за култура во Битола, македонскиот филм „Преекспонирано“ на режисерката Елеонора Венинова,во 20 часот премиерно ќе биде прикажан во Битола.
На битолската премиера ќе присуствува и дел од филмската екипа.
Улогите во филмот ги толкуваат: Камка Тоциновски, Благој Веселинов, Сара Климоска, Марјан Наумов. Кинематографер е Лев Предан Коварски, музиката е на Линдзи Рајт, сценографијата на Срѓан Митровиќ.
Сценариото е на Елеонора Венинова, монтажер – Гоце Кралевски, а костимите се на Жаклина Крстевска. Монтажер за звук: Дарко Спасовски, продуцент е Гоце Кралевски (ДНФ ФИЛМС), а копродуцент Мирјана Томиќ (ЛИЛИТ-Србија).
Филмот е поддржан од Агенција за Филм, Српски Филмски Центар и Еуримаж.
Останати проекции во 3Д Кино Битола се во четврток 04.05.2023. 19:00 и петок 05.05.2023. 19:00