Пелистер Волеј – Јанта Волеј 1:3
(20:25, 16:25, 25:23, 07:25)
Пелистер Волеј, денес во финалните натпревари кои се одржаа во Битола во салата на Медицинското училиште во Биточа, ја продолжи својата традиција и од 2015 година до денес носи по најмалку еден медал во своите витрини кога се работи за млади категории, а овај пат тоа беа кадетките кои се закитија со вицешампионската титула, вкупно шеста во своето постоење.
-Во финалето Пелистер имавше доста падови но и свои светли моменти, загубивме два сета, го добивме третиот, а веќе во четвртиот сет гостинките од Скопје не надиграа и сосема заслужено ја освоија шампионската титула, па така екипата на Јанта Волеј е старо-нов шампион, вели тренерот на Пелистер Волеј, Владимир Трифуновски.
Во малото финале екипата на Бами Кор од Тетово се закити со бронзениот медал совладувајќи ја екипата на Наковски Волеј со 2:1 во сетови, интересно, по трет пат на овој Ф4 една екипа се враќаше од негатива од 0:1 во сетови со комплетен пресврт.
Денес имавме навистина интересен, маратонски фајнл-фор турнир, турнир за паметење со многу тесни резултати.
На огромно задоволство на бројната битолска публика најпрвен битолските кадетки во првото полуфинале ја совладаа екипата на Наковски Волеј од Струмица со 2:1 кога се враќаа од негатива по првиот сет и од 0:1 со пресврт од 2:1 стигнаа до ново финале.
Во второто полуфинале екипата на Јанта Волеј од Скопје ја совлада екипата на Бами Кор од Тетово со 2:1 Скопјанки мораа на ист начин да се враќаат како во првиот полуфинален натпревар и од 0:1 направија пресврт од 2:1 за влез во големото финале.
-Храбрите девојки кои покажаа дека Пелистер Волеј има навистина една од најуспешните школи во нашата држава во изминатата декада. Честитки и до сите останати учесници за нивниот постигнат успех и пласман, а Пелистер Волеј и Битола по којзнае кој пат се покажаа како супер одлични домаќини, истакнуваат од Пелистер Волеј.
Пехарите и медалите ги додели претседателот на Пелистер Волеј, Марјан Митковски.
