Во издание на Здружението за наука и култура „Нова“ од Битола, деновиве е објавена и промовирана книгата поезија „Оксидиана“ од италијанската поетеса Лучила Трапацо. Книгата беше промовирана во НУУБ „Св. Климент Охридски“ во Битола , во присуство на авторката и гости-љубители на поезијата.Промотор и рецензент на книгата беше м-р Мирјана Стојановска, стихови читаше проф. Ана Жежовска, а музичкиот дел со изведба на флејта го реализира Ана Трсуновска. Препевот на книгата го направи доц. Маја Милевска- Кулевска. Објавувањето на книгата е поддржано од Министерството за култура.
–Книгата поезија „Оксидиана“ од италијанската поетеса Лучила Трапацо е прва нејзина препеана книга на македонски јазик, книга која во Италија беше првично објавена во 2018 година. Книгата содржи 45 песни, поделени во три циклуса: „Една горка мисла“, „Солен гест“ и „Скок и танц“. Оваа современа авторка го носи во себе целиот филогенетски багаж, полна со филантропија и емпатија. Низ песните ја препознаваме како вечно буден стражар кој бдее над добрата судбина на луѓето во светот денес. Од друга страна, авторката онтогенетски го носи автентичниот раст во духовната сфера каде се отсликува себе во медитативна форма на опуштеност, на набљудување, на живеење во сегашноста, во актуелниот миг. На пати носталгична, дури и меланхолична, Лучила, најчесто поентира со доброто, со љубовта, со надежта за подобра иднина за сите, истакна промоторот на книгата м-р М-рјана Стојановска.
Поетесата Лучила остави силен впечаток на сликовита дури и драматична презентација на дел од нејзината поезија, каде со песна и мала сценска изведба ги пренесе емоциите од нејзината таканаречена женска поезија.
Лучила Трапацо е преведувана на десетина јазици, активно учествува на европски поетски фестивали. Добитник е на многубројни награди и признанија, како за литературните, така и за нејзините ликовни дела.
![](https://i0.wp.com/bitolanews.mk/wp-content/uploads/2023/05/posta-009.jpg?fit=1000%2C524&ssl=1)
Промовирана книгата од италијанската поетеса Лучила Трапацо во издание на битилското здружение “Нова“ (фото)
More from ВестиMore posts in Вести »
- Еурофарм Пелистер започна со победа во новата сезона
- Прв суперлигашки предизвик за браќата Илиевски, ќе го судат дербито Алкалоид-Вардар
- Пивски ден, пивска ноќ, во Битола на фестивалот “Бирарија“ за занаетчиско пиво (фотогалерија)
- Уште од 5 часот утринава големи гужви на граничниот премин “Меџитлија“ патни исправи се проверуваат во три колони
- Поема на Игор Трајковски Фоја од Битола наградена на престижниот настан Verbumlandiart – Regina Resta
More from КултураMore posts in Култура »
- Поема на Игор Трајковски Фоја од Битола наградена на престижниот настан Verbumlandiart – Regina Resta
- По Рим, НУ Камерен Оркестар на Битола со свој концерт во Виена, Австрија
- Голем успех на меѓународното Биенале за минијатурна графика и цртеж – Битола во најголемата галерија за современа уметност во Солун
- Димитар Грбевски е добитник на наградата “Голема ѕвезда на македонскиот филм“ што ја доделува ДФРМ
- Во библиотеката предавање за современите модели на родителство