Иако до стартот на “Pelister Unique Trail Marathon-PUTM“ кој ќе биде на 23 јуни има уште еден месец, полека се пополнува бројот на натпреварувачи од целиот свет кој ќе бидат учесници на главната трка во должина од 115 километри.
Еден од учесниците кој ни ги потврди учеството на “Pelister Unique Trail Marathon-PUTM“ е нашиот сограѓанин Ристо Димитровски – Чурино, сестран спортист, тренер и голем борец во секој спорт без разлика каде настапува, на рингот, на ултра трките, на маратот…
-Уште еден предизвик пред мене, овај пат е посебно затоа што ке биде во мојот роден град, мојата преубава Битола. 115 километри планинска трка, огромен предизвик на тешка патека, доаѓам со мојот тим и моите ученици од Оман кои исто така ке земат учество. Ќе ми биде чест да учествувам и на моите ученици да им ја претставам мојата Битола и мојата преубава Македонија. Голема благодарност до организаторите на “Pelister Unique Trail Marathon-PUTM“ кои несебично ни помагаа и асистираа да можеме да го донесе нашиот “AL MOUJ MUSCAT RUNNING TEAM“. Се гледаме на 23 пред офицерски, ни напиша Чуринот за неговото доаѓање со комплетниот негов тим во Битола.
