Со д-р Васил Чипуровски информираме за најсовремени апарати во медицината за прегледи на внатрешните органи, кои ги поседува. Низ овие разговори добиваме и стручни медицински информации за многу интернистички заболувања и нивно откривање и понатамошно третирање. Овој пат д-р Васил Чипуровски зборува за вродени хипербилирубинемии – syndroma Gilbert, за што вели:
-Синдромот на Gilbert е наследно безопасно нарушување на метаболизмот на билирубинот кое се карактеризира со зголемени вредности на неконјугораниот индиректен билирубин во серумот на пациентот и настанува поради генетска мутација на генот одговорен за продукција на ензим UDPGT чиј недостаток води до зголемување на индиректниот билирубин во крвтa.
Клинички има лесен субиктерус на склери и кожа, а ретко со појава на замор при стрес, менструација и физички вежби.
Во поставување на дијагнозата има улога ехо наодот на црниот дроб кој е уреден, нормални црнодробни трансаминази протромбинско време, албумини како и тестот на гладување при кој се зголемува индиректниот билирубин во крвта на пациентот. Покрај оваа неконјугирана хипербилирубинемија чест е и синдром на Criger Najjar а од конјугираните хипербилирубинемија (Dubin johnson, Rotor Syndrome) кај кои има нарушено лачење на билирубинот од хепатоцитоте во жолчните капилари.
