Во издание на Здружението за наука и култура “Нова“ од Битола, деновиве е објавен зборникот “Хрватски современи поетски профили“.
Приредувачи на оваа книга се м-р Мирјана Стојановска и Весна Мундишевска –Велјановска, а препевот е на Татјана Ѓорговски.
Во Зборникот се застапени десет автори: Ѓуро Видмаровиќ, Дражен Катунариќ,Тин Лемац, Дарија Жилиќ, Ружица Циндори, Мирослав Кирин, Валерио Орлиќ, Диана Буразер, Анѓелка Корчуланиќ и Јулијана Тешија. Секој автор е застапен со седум песни и кратка биографија.
Станува збор за поезија која го рефлектира индивидуалниот сензибилитет на животот во себе и околу себе, со интересна дескрипција на детални структури, емоции, перцепции. Кај некои поети како автори на медитеранската поезија преовладуваат мотивите на љубовта и морето со издржан современ поетски израз.
Издавањето на оваа книга е поддржано од Министерството за култура.
