На генералното изборно собрание на сојузот “Македон“ кое се одржа викендов Александар Јаневски од Битола е избран за претседател на најголемиот и единствен Сојуз на здруженијата на Македонците и децата бегалци од Егејскиот дел на Македонија, со мандат од четири години.
-Ми претставува особена чест и задоволство но воедно и голема одговорност што повторно ја имам честа за периодот од 1 јули 2023 до 1 јули 2027 година да бидам на чело на Сојузот на здруженијата на Македонците и децата бегалци од Егејскиот дел на Македонија “Македон“, изјави Јаневски после изборот, кој изрази голема благодарност до 19-те Здруженија и делегатите членки на Сојузот кои што му ја дадоа довербата и повторно повика на семакедонско обединување.
