Денес во центарот за култура и образование при муфтиство Битола, се отвори изложбата “Исхак Челеби џанија и Хајдар Кади џамија – верско историски објекти во Битола.
Носител на проектот е Агим Џело, снимател и фотограф од Битола, кој на отворањето на изложбата рече:
-Битола е горда дека има голем број верски објекти, воедно и историски објекти кој даваат посебна карактеристика на градот, кој го прави единствен во поглед на тоа. Верувам дека ова нема да е прв проект од ваков вид дека и во иднина ќе поработиме на проекти од сличен карактер. Изразувам голема благодарност до целата екипа која беше вклучена во реализацијата на оваа изложба, благодарност до муфтиство Битола, кој ни дадоа одврзани раце да работиме во објектите и ни го отстапија центарот да се постави изложата и голема и неизмерна благодарност до министерство за култура кој ја поддржаа финансиски изложбата и без нивна помош немаше да се реализира.
Битолскиот муфтија Амит Расими на отворањето истакна дека од самиот почеток го ставија целиот потенцијал на располагање за да се реализира изложбата која е прва од ваков вид во нашиот град и затоа ја понудија цела помош која беше потребна за реализацијата. Во обраќањето Расими изрази благодарност до носителот на проектот Агим Џело, за идеата да се реализира изложбата, која воедно е промоција на овие два доста значајни објекти кој се под муфтиство Битола.
Изложбата во центарот за култура и образование ќе биде поставена до недела до 16 јули.
