Се одржа првата фестивалска вечер на 8. фестивал “Хармониките“ (фото)

Вечерва во свечената сала на Офицерски дом во Битола, во рамките на летниот фестивал “Бит фест“ започна 8. издание на Фестивалот “Хармониките“ кој се одржува во организација на “Савевски продукција“ и “Непокор“. Овогодишниот фестивал е посветен на виртуозите на хармониката, а во рамките на првата фестивалски вечер настапија музичарите Радован Ивановиќ  на хармоника и Кристина Касагиќ на флејта двајцата од од Бања Лука, Босна и Херцеговина, кои на публиката во Битола им се претставија со одбрана камерна музика, со танго.Инаку, Ивановиќ е актуелен светски шампион во мастер категоријата за армоники, награда која ја освои во октомври минатата година на натпревар во Швајцарија, а во меѓувреме освоил и уште други три награди за прво место. Директорот на фестивалот, Сашко Савевски, на гостите и нивниот професор им подари икона. Уметничкиот директор на фестивалот, Кирил Стојчевски, за утре, за втората фестивалска вечер рече деке ќе биде посветена на легендарниот маестро, Милан Завков, кој не е повеќе меѓу нас.