Поради пожарите кои ги имаше во текот на денот и штетите кои беа направени од ветрот се обрати градоначалникот на Битола, Тони Коњановски, кое го пренесуваме во целост:-Во текот на денешниот ден, противпожарните екипи се постојано на терен и успешно ги совладаа големиот број пожари кои се појавија во Битола и околината. ТППЕ Битола, во текот на денот имаше 10 интервенции, од кои 7 пожари и 3 технички интервенции во Кукуречани, Могила и на улица Солунска во Битола.Пожарот кој избувна во близина на детската градинка во населба Стрелиште, предизвика материјална штета на градинката, поради што контактирав со директорката на градинката за брзо преземање на потребните мерки.Голема благодарност за брзата интервенција на сите противпожарните екипи. Дел од нив и вечерва, ќе останат во селото Крклино, каде поради пожар на електрични инсталации, причинета е голема материјална штета и изгорени се 8.000 бали сено. Заедно со екипите на ТППЕ Битола во Крклино, интервенираат и екипите на ЈКП Водовод.Јавното претпријатие Комуналец, од 17:30 часот со своите екипи интервенира на расчистување на улиците, отстранување на паднатите дрвја и контејнери. Од извршениот увид од страна на КЈП Нискоградба, не се констатирани проблеми поврзани со канализационата мрежа, но екипите се подготвени да дадат поддршка во интервенциите доколку се појави потреба и од нивно вклучување.Продолжуваме да делуваме во координација со сите одговорни лица, со цел санирање на состојбите и евентуална дополнителна интервенција, доколку се појави потреба.
Коњановски: противпожарните екипи и екипи на јавните претријатија постојано се на терен
More from ВестиMore posts in Вести »
- Театарската претставата “Крал Лир“ изведена во “Вила Де Ниро“ пред светската премиера на Охридско лето (фотогалерија)
- Премиерот Христијан Мицковски во посета на Битола (фотогалерија)
- Американецот Брајан Антоан е нов играч на КК Пелистер од Битола
- СВР Битола: кражба на мопед, сопруга пријавила физички напад од сопруг, малолетничко насилство, пронајдена артилериска граната
- Илјадници верници синоќа и денес во црквата “Св. Архангел Гаврил“ кај “Довлеџик“ во Битола (фото)