Деновиве пред 10 години: “Низ Битола со либето“ во изведба на познатиот битолски актер Петар Горко

Во срцето на старата битолска чаршија во Битола се одржувале од многу порано многу културни настани, кои го привлекле вниманието на битолчани, кои се познати како културни критичари, а кога зборуваме за пред 10 години, во 2013 година, ќе се присетиме на еден настан кој го организира и изведе познатиот битолски актер Петар Горко, насловен како “Низ Битола со либето“, започна со своите сеќавања Димче Миновски, хроничар на Битола и доајен на битолското новинарство.-На музичко поетската манифестацијата, која морам да признам, не очекував дека ќе “собере“ толку народ, во обичен ден, ноќе, на мест не така актуелно за битолчани, беа говорени текстови од најпознатите битолски песни каде се спомнува зборот ЛИБЕ. Морам да кажам дека бев изненаден од тоа што се случуваше в0 Чаршијата, вели Миновски.Петар Горко ги говореше текстовите, додека за музиката се погрижи битолската група “Калабалак“, а според Миновски, Горко е еден од ретките кои може тоа така добро да го направи, со рецитал и песна, и да ги разнежи присутните, а настанот беше во рамките на тогашниот летен фестивал “Битфест 2013“.На музичко поетската манифестација беа изрецитирани и испеани легендарните песни “Битола бабам Битола“, “Битола мој роден крај“, “Ако одам во Битола“, “Ја излези стара мајко“, “Нели ти реков моме Донке“ и многу други.-Битолчани дојдоа во старата битоска чаршија во голем број и видно расположени рецитираа, пееја и со громогласни аплаузи ги поздравија изведувачите, додава Миновски.