Слога Добој – Еурофарм Пелистер 24:39 (12:16)
Судии: Недим Арнаутовиќ и Александар Јовиќ (БиХ)
Гледачи: 1.000
Слога Добој: Богдановиќ, М. Ристиќ, Тодоровиќ 3, Станковиќ 3, Марковиќ 1, Тулендиќ 2, Чулум 2, Џенадија 1, Симиќ, Кулушиќ, Миличевиќ 7, Маричиќ 1, Максимовиќ, Муминовиќ, Шариќ, Д. Ристиќ 4, Лазиќ, Бајовиќ
Еурофарм Пелистер: Лесјак, Гедбан, Кизиќ, Цехте 2, Кузманоски 2, Тајник 2, Кисум, Борзаш 3, Танкоски, Костески 8, Нилсен 1, Петровиќ, Пет. Атанасијевиќ 9, Ѓорговски 2, Васиљев 2, Пешевски 2, Пав. Атанасијевиќ 3, Стевановиќ 3.
Екипата на Еурофарм Пелистер во рамките на второто коло од групната фаза на ТВ турнирот на шампионите кој се игра во Добој, го победи домаќинот Слога со 39:24, полувреме 16:12. Слога парираше само на стартот, во воведните дваесетина минути, а пелистерци веќе на одмор заминаа со +4 (16:12). Потоа во продолжението македонскиот првак почна да гради залиха, се одлепи и рутински дојде до победата и први бодови во оваа група.
Во последното трето коло, екипата на Еурофарм Пелистер ќе се судри против францускиот великан Монпелје со почекот во 21 часот.
