Деновиве пред 10 години: настан и марш против врсничкото насилство на “Магнолија“ во Битола (фото)

-Тема која е актуелна денес и може да се сретне со сите медиуми и по социјалните мрежи е врсничкото насилстви, а таа тема била актуелна и пред 10 години, во 2013 година, кога во Битола биле можеби и првите обиди таа да се превентира, започна со своите сеќавања Димче Миновски, хроничар на Битола и доајен на битолското новинарство.Во почетокот на октомври во 2013 година се одржа настан на плоштадот “Магнолија“ на кој се посочи ова девијантно однесување пред се на основците и средношколците во Битола, а по тој повод беше организиран настан – хепенинг, а потоа и марш по Широк Сокак.На бината на “Магнолија“ во име на Општина Битола, зборуваше Снежана Петровска, тогаш одговорна за образованието во градот, каде ингеренции има Општината.На овој настан зборуваа и претставници на МВР од Секторот за внатрешни работи од Битола и претставници на Министерството за образование.-И денес, како и пред 10 години, се организираат разни трибини, советувања, семинари за намалување и искоренување на врсничкото насилство по школите, но бележиме и денес случаи кога сме сведоци на такво однесување, за кое посакуваме сите да го има што помалку во билтените на полицијата и на училиштата, вели Миновски.