Денеска на УКЛО Битола започна новата академска 2023/2024 година. На единиците во состав на Универзитетот се одржаа првите академски часови, бруцишите ги добија индексите, се запознаа со професорите и со новите колеги.Централната свеченост се одржа на ФИКТ. Студентите, професорите меѓу кои и претседателопт на Сенатот на УКЛО, проф. д-р Николче Јанкуловски, гостите градоначалници на Битола и Новаци, Тони Коњановски и Стевче Стевановски, претставниците од ИТ компаниите со кои ФИКТ има воспоставено соработка, ги поздрави ректорот на УКЛО, проф. др. Игор Неделковски, кој посакувајќи им добредојде, кажа дека УКЛО е првиот и засега единствен европски македонски универзитет: УКЛО од 1 јануари 2024 г. е дел од Европската универзитетска алијанса COLOURS, заедно со уште осум универзитети, со кои ќе се спорделуваат и предмети и настава. Според ректорот, тоа претставува исклучителна поволност што ќе ги намалува бариерите за едукација за сите чинители низ регионите на Европа.
Тој посочи дека УКЛО ги задржува традицијата и квалитетот и им порача да ги искористат сите предности од едукацијата за да стекнат фундаментални знаења со кои потоа им се отворени сите врати во Македонија и во светот.
-Не само да учите, туку и да уживате во универзитетските денови. Нашиот Универзитет организира многу активности меѓу кои бројно спортско – рекреативни активности со коишто се збогатува студентското живеење. Нечекајте никој да ве повика и да ве води. Следете, следете се што се случува на Универзитетот и доаѓајте, вклучувајте се! Екстра наставните активности се исто толку битни колку и вашето знаење. Другарствата што ќе ги стекнете, искуствата од тие социјални активности се исто толку битни колку и оценките. Бидете активни, учествувајте, ние сме тука заради вас! Нашата мисија – е она што го знаеме да ви го пренесеме вам. Овие четири години ќе ви го профилираат животот, овие четири години се ништо во споредба со она што следува. Искористете ги! – им порача ректорот на УКЛО, проф. д-р Игор Неделковски.
На првиот академски час на ФИКТ присуствуваше и градоначалникот на Битола, Тони Коњаносвки, кој ја истакна одличната соработка со УКЛО. Тој се осврна кон напорите кои Општина Битола и УКЛО взаемно ги обезбедуваат за подобри услови за студентите и нивно вклучување во општествениот живот. Посакувајќи им успешно образование, градоначалникот Коњановски им посочи на студентите дека ова е еден од најубавите периоди во животот, во кој младите се надградуваат во своето образование, истовремено надоградувајќи го личниот и културниот живот интегритет и интелектуалниот и моралниот капацитет.
Деканот на ФИКТ, Благој Ристевски поздравувајќи ги 160 -те бруцоши кои зачекоруваат во нова, академска средина, изрази задоволство дека се најбројната генерација студенти во десетгодишното постоење на Факултетот и им посака успешно неколкугодишно патување на кое ќе се стекнуваат со знаења, искуства, иновации, експертиза и извонредност кои понатаму ќе ги надградуваат.
-Горд сум на вас и на сите вработени на нашиот Факултет, што оваа година, 10-тата генерација на студенти кои се запишаа на ФИКТ од неговото формирање, да е најбројна споредено со претходните 6 години, а во исто време, бројот на запишани студенти во прва година на прв циклус студии на ФИКТ, да е најголем споредено со останатите факултети и единици на Универзитетот „Св. Климент Охридски“ – Битола. Но оваа бројка не обврзува сите нас професорите на ФИКТ да ви обезбедиме квалитетна настава и вежби, а во исто време сакам да ја изразам нашата благодарност за вашата доверба да се запишете на ФИКТ.
Градоначалникот Тони Коњановски на студентите им посака успешно студентско образование, посочувајќи дека ова е еден од најубавите периоди во животот, во кој младите се надградуваат во своето образование, истовремено надоградувајќи го личниот и културниот интегритет и интелектуалниот и моралниот капацитет.
Инаку ректорот на УКЛО проф. д-р Игор Неделковски, заедно со министерката за култура Бисера Костадиновска Стојчевска, присуствуваше и на првиот академски час на Педагошкиот факултет – Битола. Тој ги поздрави и бруцошите на свечениот час организиран за јубилејната, 15-та генерација студенти на Ветеринарниот факултет – Битола.
Новата академска 2023/2024 година со свечен академски час е одбележана на сите единици во состав на УКЛО со доделување на индексите и со желби за успешна едукација.
![](https://i0.wp.com/bitolanews.mk/wp-content/uploads/2023/10/fikt-17-88.jpg?fit=1000%2C550&ssl=1)
Прв академски час на УКЛО Битола, започна новата академска 2023/2024 година (фотогалерија)
More from ВестиMore posts in Вести »
- Театарската претставата “Крал Лир“ изведена во “Вила Де Ниро“ пред светската премиера на Охридско лето (фотогалерија)
- Премиерот Христијан Мицковски во посета на Битола (фотогалерија)
- Американецот Брајан Антоан е нов играч на КК Пелистер од Битола
- СВР Битола: кражба на мопед, сопруга пријавила физички напад од сопруг, малолетничко насилство, пронајдена артилериска граната
- Илјадници верници синоќа и денес во црквата “Св. Архангел Гаврил“ кај “Довлеџик“ во Битола (фото)