На вториот ден на интернационалниот фестивал на класична музика “Интерфест“ во Битола во свечената сала на Офицерски дом во Битола се отвори изложба, а потоа се одржа и концерт.
Изложбата на слики е на Драган Анџелковиќ и Слободан Вигневиќ, а на оторањето за неа зборуваше Владо Ѓоревски.
Потоа се одржа и рецитал, концерт, на пијано во изведба на Мануел Тевар од Шпанија.
За рециталот на кој беа изведени дела од Бах, Шуберт, Албенис и Тевар, зборуваше уметничкиот директор на “Интерфест“, Милица Шперовиќ – Рибарски.
Денес на програмата на интернационалниот фестивал на класична музика “Интерфест“ е концерт на дуо хармоники, а битолчани ќе ги слушаат и гледаат Ана Коловска и Александар Коловски.
Фото: Дамијана Ристевска
