Во свет во кој доминираат комерцијални интереси, има свежи примери на отстапување од нормата, кога бизнисите навлегуваат подлабоко во своите корени, препознавајќи ја вредноста на културните наративи и уметничките изрази. Еве како приказната за TASKFORCE, македонско-американска компанија добива значаен пресврт во потезите за спонзорирање во културата.
Како главен спонзор на истакнатиот филмски фестивал „Браќа Манаки“, TASKFORCE ја покажа за моќната интеракција помеќу наследството, културата и комапнијата која има канцеларии на два континенти.
-За нашиот бизнис, поврзувањето со културни настани е повеќе од само штиклирање во полето CSR (Corporate Social Responsibility). За TASKFORCE, поддршката кон филмскиот фестивал „Браќа Манаки“ е почит за нашето потекло. Роден сум во градот на правите сниматели на Балканот, историскиот град Битола каде што филмските легенди, Браќа МАНАКИ го започнаа своето извонредно патување. И TASKFORCE започна тука. А денес е глобална компанија, знаеме како започнувавме, како пионери во овој наш бизнис тука, а како е чувството да се биде на литстата на глобални лидери, истакнува Ацо Додовски генерален менаџер на оваа компанија.
Наративот на браќата МАНАКИ и TASKFORCE се испреплетени со духот на пионерството. Исто како што Браќата Манаки имаат светло место во балканската кинематографија, TASKFORCE ја трансформираше својата бизнис идеја во глобална моќ, со над 2.000 вработени и бројни канцеларии на два континента. Ова паралелно патување е означување на моќта на визијата, истрајноста и иновативноста.
-За TASKFORCE, спонзорирањето на филмскиот фестивал Браќа Манаки не беше само пишување на еден чек. Тоа значеше должност како битолчани кон браќата МАНАКИ, почит кон нивните вредности, но и потсетник на таа историја, дека заедницата не секогаш ги поддржувала. За мене тој дел од историјата е емотивно враќање дома, каде што веројатно најтешко се успева, а моите американски партнери како вљубеници во филмовите и таа американска лоза на филмска продукција која на светот даде многу, ми беше поттик плус. Нашето спонзорство на филмскиот фестивал Браќа МАНАКИ е одраз на нашата љубов кон филмот и културата, нашите корени и нашата амбиција. Почестени сме да придонесеме за фестивал кој го слави кинематографскиот гениј и воодушевен сум да ја прикажам убавината на Битола пред нашите меѓународни гости, раскажува Додовски.
Во суштина, спонзорирањето културни настани како Филмскиот фестивал Браќа МАНАКИ не е само деловна одлука за компании како TASKFORCE. Тоа е афирмација на нивните вредности, нивното наследство и нивната посветеност на поттикнување на уметнички и културни изрази. Служи како моќен потсетник дека бизнисите можат и треба да играат клучна улога во негувањето и издигнувањето на уметноста. Филмскиот фестивал Браќа МАНАКИ е и долгогодишна традиција што се одржува речиси половина век и е специфичен по својот посебен однос за огромниот талент и креативноста на кинематограферите. Со поддршка на еден ваков значаен настан, TASKFORCE дава поддршка светската класа на кинематографери да дојдат во Битола. Годинава фестивалот имаше стеларно издание со присуство на над 300 гости од странство, во кои имаше и оскаровци и носители на врвни признанија во светот на филмот.
