Сојузот на спортови од Битола кај градоначалникот на Корча, покана ученици од Корча да трчаат на ноќната трка (фото)

Претседателот на Општинскиот сојуз на спортови Битола – Сашко Павловски оствари средба со градоначалникот на Корча, Албанија, Сотирак Фило, на која беше разговано за ученици од овој град да бидат дел од Ноќната трка во Битола, која традиционално се одржувана на 3. ноември, ден пред Денот на ослободувањето на Битола.-Имавме средба со градоначалникот на Корча, Сотирак Фило, кој морам да кажам дека е шахист и начелно се договоривме ученици од овој град да учествуваат на традицоналната ноќна трка, која Сојузот на спортови годинава ќе ја организира по јубилеен, 65 пат. Градоначалникот, Сотирак Фило, ја прифати нашата идеја, а по завршувањето на локалните избори во Лерин, Грција, ќе поканиме и ученици од таму да бидет дел од Ноќната трка, вели Сашко Павловски, претседател на Сојузот на спортови на Битола.