По пировата победа над Вардар пред три ден во Битола, во салата “Боро Чурлевски“ нова ракометна претстава, овјој пат од Лигата на шампионите, и нови “немири“ за публиката.
Секако дека ја немаше еуфоријата од пред три дена, но борбената игра на ракометарите на Еурофарм Пелистер со добрата и храбра игра во второто полувреме и резултатскиот пресврт кој пробаа да го направат ги кренаа на нозе повеќе од 3.000 битолчани, кои дојдоа да го бодрат нивниот клуб.
Пелистере, со тебе сме секогаш, не беше само дел од навивачката песна, овој пат беше реална приказна, а тоа го докажа битолската публика, која повторно може да жали, овој пат барем за бод, кој го заслужија ракометарите.
Таквата игра, за борбеноста и желбата за победа на крај им донесе и аплаузи од домашната публика.
Овој пат на трибините беа и навивачи на Киелце кои со својот тим допатуваа од Полска, ги бодреа своите миленици, но според тоа како навиваа битолчани беа нечујни.
