Денес во Офицерски дом во Битола се одржа на настанот за подигнување на јавната свест за противпожарна заштита и заштита од поплави кој што Универзитетот “Св. Климент Охридски“ до Битола го реализира во рамките на проектот: Превенција и управување со прекугранични комплексни поплави и шумски пожари – SOLVE.
Беа презентирани и достигнувањата и активностите кој што Центарот за развој на Пелагонискиот плански регион ги реализира во рамките на истоимениот проект.
Центарот за развој на Пелагонискиот плански регион е партнер во имплементацијата на проектот СОЛВЕ кој што претставува надополнување на претходно реализираните проекти и продолжување на заложбите на ЦРППР за унапредување на капацитетите на регионот во овој сегмент.
Присутните ги поздрави ректорот на УКЛО, проф. д-р Игор Неделковски и зборуваше за самиот проект и целите на проектот.
На настанот директорот Јосиф Балтов во своето уводно обраќање ја нагласи и важноста на соработката помеѓу сите чинители во регионот за унапредувањето на системот за заштита од непогоди предизвикани од природен и човечки фактор.
На настанот зборуваа проф. д-р Билјана Граматковски: Култура на цивилна заштита – обука на заедницата за справување со ризици од поплави (Проценка на ризици и справување со поплави – Пелагониски регион), вонр. проф. д-р Татјана Блажевска: Промовирање на прирачникот “Култура на цивилна заштита – обука на заедницата за справување со ризици од поплави“ и проф. д-р Милорад Јовановски: Справување со поплави и свлечишта.
