Во СИЦ, УКЛО Битола ја промовира книгата ,,Адресирање на транрегионални предизвици во интелегентни транспортни системи од менаџерска и техничка перспектива“, ADDRESSING TRANS-REGIONAL ISSUES OF Intelligent Transport Systems FROM MANAGERIAL AND TECHNICAL PERSPECTIVE од авторките, академски кадри од УКЛО: проф. д-р Даниела Колтовска Нечоска, Рената Петревска Нечкоска и Мимоза Богданоска Јовановска.Книгата претставува нова методологија за регионална соработка кон заеднички трансферзални проблеми од реалноста и истовремено вклучува бројни соработници, држави, дисциплини, институции и универзитети.
Промоцијата се одржа во организација на УКЛО, настан во рамки на чествувања за Патронот на УКЛО. Промоторот, проф. д-р Милан Стојановиќ, член на регионалниот борд на WBAA, посочи дека книгата нуди нова методологија за регионална соработка кон заеднички трансверзални проблеми од реалноста што обезбедува посебна вредност и применливост. Како плод на колаборација на земјите од Западен Балкан, научниот труд дава мислења до владите во регионот како да се реши актуелното прашање и тоа е придонес за целиот Западен Балкан.
Книгата е мулти/интер/трансдисциплинарна и учествуваат професорки од три факултети: ТФБ, ЕФП и ФИКТ, при што и рецензентите и лектурата се од академски кадри на УКЛО, и особено што извавач е УКЛО/ТФБ.
Авторскиот труд произлезе од проект на Алумни асоцијацијата на Западен Балкан- WBAA, тоа е првата книга што излезе од истражувачки тим на Асоцијацијата и се наоѓа на отворен пристап до цел свет.
Инаку, академското четиво влезе во основна литература за 3 ЕКТС на Економски факултет – Прилеп во рамки на курсот: Менаџерска и техничка перспектива на транс-регионални предизвици како професионален развој (micro-credentials).
Книгата претходно беше промовирана на Генералното собрание на Western Balkans Alumni Association во Белград, пред претставници од Западен Балкан и ЕУ. Публикацијата е првата книга која излегува издадена од УКЛО, со копотпис од Алумни асоцијацијата на Западен Балкан WBAA.
![](https://i0.wp.com/bitolanews.mk/wp-content/uploads/2023/12/uklo-renata-12-88.jpg?fit=1000%2C574&ssl=1)
Промовирана книга од академски кадри од УКЛО Битола со нова методологија за регионална соработка (фото)
More from ВестиMore posts in Вести »
- Театарската претставата “Крал Лир“ изведена во “Вила Де Ниро“ пред светската премиера на Охридско лето (фотогалерија)
- Премиерот Христијан Мицковски во посета на Битола (фотогалерија)
- Американецот Брајан Антоан е нов играч на КК Пелистер од Битола
- СВР Битола: кражба на мопед, сопруга пријавила физички напад од сопруг, малолетничко насилство, пронајдена артилериска граната
- Илјадници верници синоќа и денес во црквата “Св. Архангел Гаврил“ кај “Довлеџик“ во Битола (фото)