Како во изминатите денови, така и шестиот ден од “Зимската приказна“ која ја организира Општина Битола за дочекот на Новата 2024 година, донесе програма на повеќе локации низ Битола, а настапија повеќе изведувачи и групи.
Во официјална програма, која се изведува на платото пред Офицерски дом од 20 до 24 часот настапија: ConTruDj, музичка група КОД 369 (Памперс), група “Паркети“ и групата “The Groove”.
Во “Офф програма“ наспија: Dj Ljubisha кај Офицерски дом, Isavioloncello на Широк Сокак и Dj Sasho Spect кај Офицерски дом.
Во Стара Чаршија се претставија учениците на ОУ “Даме Груев“ кои изведоа музички и драмски точки, група “Амајлија“ и групата “Адути“.
Утрешниот ден од “Зимската приказна“ е резервиран за преставата “Трите волшебни кучиња“ на НУ Народен театар Битола.
Уште ќе настапат и трио “Џентлемен“ и група “Фонтана“ и Елена Андоновска.
