Фудбалерите на Пелистер денес во Битола, под Тумбекафе ги започнаа подготовките за пролетниот дел од оваа фудбалска сезона, а како беше кажано на денешната прозивка, целта е јасна и иста, враќање во Првата фудбалска лига. На првата прозивка оваа година на фудбалерите им се обрати тренерот на Пелистер, Влатко Костов кој им посака среќна нога година и успех во оваа сезона, а отсуствуваа капитенот Љамшевски и повредените Размовски и Пановски.
-Сакам прво на сите да ви честитам празниците и да ви посакам добро здравје и на крај сите да се радуваме на успех, а тоа е остварување на целта, пласман во Првата лига. Сакам најпрво да ги поздравиме новите фудбалери во тимот на Пелистер и да им посакаме добредојде, рече Костов, а потоа им го кажа и планот за подготовки на екипата.
Претседателот на Пелистер, Митко Стојковски во име на Управата на клубот рече:
-Прво на новајлитите им посакувам шро подобро прилагодување во новата средина и да ни помогна во целта која ја имаме оваа година, а тоа е пласман во Првата лига, директно без играње на бараж. Во овој подготвителен период кој ни престои треба што подобро да се подготвиме, а тоа да биде вовед во тоа што ни престои. Имаме доволно квалитет и потенцијал во тимот да стигнеме со тоа второ место, а по можност ако ни се укаже и до прво место. Во таа насока и треба да размислуваме, а за да дојдеме до таа цел ќе мора што подобро да се подготвиме, како физички така и физички. Кон целта да се движиме од натпревар во натпревар, од коло во коло, во континуитет, без притисок. За жал во есенскиот дел имавме некои грешки каде изгубивме значајни бодови, а тоа оваа пролет не треба да се повтори.
Тони Мицевски, член на Управниот одбор на Пелистер на фудбалерите им порача:
-Сакам да кажам кратко, мора да ја сфатиме работата сериозно и да се посветиме стопроценти во таа наша цел. Ако не сфатиме дека мора да “влеземе“ во Прва лига, тогаш бадијала сме тука, и ние како Управа и вие како фудбалери и секако и стручниот штаб. Целта е јасна, а ние сите треба заедно да најдеме начин како да стигнеме до целта.
На официјалниот дел на стартот на подготовките за пролетниот дел од првенството, шефот на стручниот штаб Влатко Костов рече дека по подготовките во Битола кои ќе бидат до 26 јануари, кога се очекува да заминат во Охрид, каде според динамиката на подготовките ќе одиграат и пријателски натпревари во рамките на втората фаза од подготовките.
По прозивката и првиот работен состанок Костов и Вангел Алтипармаковски на “Кумурното“ игралиште го одржаа и првиот тренинг.
![](https://i0.wp.com/bitolanews.mk/wp-content/uploads/2024/01/fk-start-24-15-88.jpg?fit=1000%2C600&ssl=1)
Фудбалерите на Пелистер ги започнаа подготовките во Битола, целта иста, пласман во Првата лига (фотогалерија)
More from ВестиMore posts in Вести »
- Еурофарм Пелистер започна со победа во новата сезона
- Прв суперлигашки предизвик за браќата Илиевски, ќе го судат дербито Алкалоид-Вардар
- Пивски ден, пивска ноќ, во Битола на фестивалот “Бирарија“ за занаетчиско пиво (фотогалерија)
- Уште од 5 часот утринава големи гужви на граничниот премин “Меџитлија“ патни исправи се проверуваат во три колони
- Поема на Игор Трајковски Фоја од Битола наградена на престижниот настан Verbumlandiart – Regina Resta
More from СпортMore posts in Спорт »
- Еурофарм Пелистер започна со победа во новата сезона
- Прв суперлигашки предизвик за браќата Илиевски, ќе го судат дербито Алкалоид-Вардар
- Сезонски билети за полни трибини, КК Пелистер во Битола ќе се гледа цела сезона за 2.000 денари и во АВА2 лига
- По освојувањето златото на Светското првенство Марија Димовска на прием кај премиерот Мицкоски и министерот Ристовски
- Еурофарм Пелистер се врати во Битола без трофеј, по поразот во Купот, пораз и во Супер купот од Алкалоид, во Гевлелија (фотогалерија)