Екипата на суперигашот Еурофарм Пелистер 2 од Битола вчера во салата “Боро Чурлевски“ во Битола ги започна подготовките за пролетниот дел од оваа ракометна сезона, каде во продолжението на сезоната ќе настапува во плеј-аутот. Тренерот на екипата Михаил Петровски денес официјално прозиваше во спортската сала „Боро Чурлевски“, а по прозивката го одработи и првиот тренинг, со истиот ростер со кој ја заврши групната фаза на Суперлигата, и со едно засилување а тоа е 18-годишниот десен бек Бојан Гичев, кој доаѓа од РК Овче Поле од Свети Николе.
Михаил Петровски на стартот на подготовките рече:
-Денес започнуваме со подготовките после три недели пауза, со новото засилување Бојан Гичев на позицијата десен бек, а сите други се тука. Иако малку неочекувано имаме проблем со повредени ракометари за овој период. Белистојановски се врати од репрезентација повреден, Дим0вски е повреден, а плус на сето ова имаме проблеми кој ни ги направи сезонскиот грип, кој за планот за подготовки и настапот во плеј-аутот додаде:
-Планот за подготовки е да се одвиваат во Битола, а ќе одиграме четири контролни натпревари кои се договорени, а ако најдеме заеднички термин со други екипи секако ќе прифатиме. Две ќе бидат со Еурофарм Пелистер две со Струга. Амбициите се јасни опстанок во Супер лигата, а според новиот план на РФМ оваа година ќе испаѓаат шест екипи. За да опстаниме треба да бидеме први или втори, а третиот ќе игра бараж. Нашите амбиции сега се да бидеме на првите две места, иако знаеме дека на стартот на сезоната се надевавме на плеј-офф, но заради една победа сме тука. Се надевам, а тоа и ќе го пренесам на ракометарит дека во плеј-аутот се одиграме професионално, со мотивација и на секој натпревар ќе одиме на победа.
Плеј-аутот официјално стартува во втората седмица од февруари 2024 година.
![](https://i0.wp.com/bitolanews.mk/wp-content/uploads/2024/01/pinkii-9-88.jpg?fit=1000%2C652&ssl=1)
Еурофарм Пелистер 2 стартуваше со едно засилување и една цел опстанок во Супер лигата (фотогалерија)
More from ВестиMore posts in Вести »
- Театарската претставата “Крал Лир“ изведена во “Вила Де Ниро“ пред светската премиера на Охридско лето (фотогалерија)
- Премиерот Христијан Мицковски во посета на Битола (фотогалерија)
- Американецот Брајан Антоан е нов играч на КК Пелистер од Битола
- СВР Битола: кражба на мопед, сопруга пријавила физички напад од сопруг, малолетничко насилство, пронајдена артилериска граната
- Илјадници верници синоќа и денес во црквата “Св. Архангел Гаврил“ кај “Довлеџик“ во Битола (фото)
More from СпортMore posts in Спорт »
- Американецот Брајан Антоан е нов играч на КК Пелистер од Битола
- Шампионот Еурофарм Пелистер ги започна подготовките во Битола, ќе се цели на три трофеи (фотогалерија)
- Бобан Георгиев најново засилување за ФК Пелистер од Битола
- Петар Крстевски од Битола- млад фудбалер игра во клубот SV-HORN, Австрија
- Југ со девет пливачи во Охрид, бронза за Ана Котевска и Максимилијан Лазевски