Семинар за џудо судии и тренери и полагање за појаси во Битола (фото)

Во организација на џудо федерацијата на Македонија, во Битола во просториите на Будо-центарот се одржува семинар за џудо судии и тренери, на кој предаваа џудо мајстори од државата. Федерацијата со техничка поддршка на џудо клубот Пелистер од Битола се одржа полагање на 1 Кју и Мајсторски Дан појаси.Полагањето беше спроведено од Дан комисијата во состав: Ѓуро Илиќ 7- ми Дан – претседател, Славе Димитријоски 6 – Дан член, Киро Здравески 6-Дан член и Дејан Мицкоски 4 – Дан член.-Ова се редовни активности на џудо федерација кои џудо клубот Пелистер технички ги организира. Имаше одлични предавања на семинарот, а присутните имаа прилика да научат  нови работи кои ќе ги применат во тренинзите и судењето на натпреварите. Потоа комисијата одржа и полагање за повисоки појаси, а 18 кандидати од клубовите членки на ЏФСМ се здобија со повисоки степени- појаси, рече Ѓуро Илиќ, претседател на џудо федерација.