Едно лице загина, а осумнаесет се повредени во тешка сообраќајна несреќа која попладнево, во 15 часот, се случила на регионалниот пат Битола – Демир Хисар. Според неофицијални информации до несреќата дошло при судир на патничко возило и комби кое превезувало работници и двете со битолски регистарски таблички.
Сообраќајката се случила на излезот од Битола кон Демир Хисар во директниот судир, а маж на возраст од 42 години е загинат на самото место. Повредените се премесени во Клиничката болница во Битола, каде им е укажана лекарска помош, а дел од нид се пуштени на домашно лекување.
Во првите детали на МВР за сообраќајката се вели:
-Во 14.57 часот на излезот на Битола према Демир Хисар, кај надвозникот случена е сообраќајна несреќа помеѓу комбе со битолски регистарски ознаки управувано од А.С. (25) од село Вирово, демирхисарско кое пренесувало 18 работници од битолска фабрика и патничко возило “пежо” со битолски регистарски ознаки управувано од К.Ј. (36) од Битола. Во несреќата на лице место починал совозачот на патничкото возило К.К. (42) од Битола.