Деновиве пред 10 години: обновена спомен-собата на Мустафа Кемал Ататурк во Завод и музеј Битола

-Пред 10 години во Битола, беше промовирана обновената спомен-собата на Мустафа Кемал Ататурк, во битолскиот Завод и музеј, а на свеченото отворање на Воената идадија и Спомен-собата на Мустафа Кемал Ататурк, присуствуваше тогашниот турски вицепремиер Емрулах Ишлер, во придружба на претседателот на агенцијата ТИКА, Сердар Чам и градоначалникот на Општината Битола, Владимир Талески, започна со своите сеќавања Димче Миновски, хроничар на Битола и доајен на битолското новинарство.-Проектот посветен на Мустафа Кемал Ататурк во Битола, го отсликува големото македонско-турско пријателство и меѓусебно почитување. Во изминативе години во рамките на Спомен-собата на Мустафа Кемал Ататурк беа направени неколку реконструкции, но со овој проект сега овој дел е целосно комплетиран и обновен. Со новиот лик, зградата и новата спомен-соба на Мустафа Кемал Ататурк доби изглед каков што заслужува Ататурк, а се надевам дека и за градот Битола ќе биде аирлија оваа новина, рече, пред 10 години, вицепремиерот на Турција, Ишлер.