Ристо Чуринов со успешен на стартот на сезоната во Оман, на еден евент истрча три маратонски трки (фото)

На самиот старт на натпреварувачката сезона тимот на нашиот сограѓанин Ристо Чуринов, од Битола кој живее и работи на Блискиот исток, имаше одличен настап на маратонот  “Al Mouj Muscat Marathon“ кој се одржа во Султанатот Оман, а тој истрча три трки на еден евент.Како ни јави Чуринов, тој првиот маратонец кој го направил тоа. Чуринов истрча три трки. Првата на 21 километар со време 1:38:45, потоа по промената на BIB бројот истрча 10 километри, а наредниот дел, тој заедно со неговиот тим RISTO MMA&FITNESS, истрча и трка на пет километри.Во тимот на Чуринов беше и неговиот син кој на 12 години истрча 5 километри.-Горд сум на себе, на мојот син и секако на мојот тим. Одлично се претставивме, а сега сме побогати со многу медали. Како реков на почетокот сега сме на почетокот на оваа натпреварувачка сезона и се надевам дека ќе имам јас и мојот тим уште многи трки. Ме очекуваат и многу тешки трки за кои сум подготвен и се надевам на успеси, ни рече Чуринов на вибер комунинација.Чуринов во Оман е сопственик на првата македонска фирма во Оман, работи како фитнес тренер, настапува професионално во боречки вештини, а учествува на маратон и ултра маратон, а настапи и на ултра маратонот на Пелистер минатата година.