Press "Enter" to skip to content

Општина Битола: урбаната опрема на најамбиенталната улица во Битола мора да биде поставена согласно утврдените правила

-Поставувањето на урбаната опрема на најамбиенталната улица во Битола, мора да биде во согласност со утврдените правила и прописи и издадените одобренија од општината.

Со цел отстранување на отстапувањата кај некои угостителски објекти и овозможување на доволно пешачка зона, општинскиот инспекторат, врши интензивни контроли на терен, притоа давајќи им налог на угостителите за итно постапување, согласно усвоените план и програма за поставување на урбаната опрема.

Контролите се спроведуваа и во изминатиот период, но по барање на граѓаните, деновиве истите се интензивираат и ќе траат се до комплетно уредување на Широк Сокак пред секој објект, согласно законските прописи.

Зголемениот инспекциски надзор е во согласност со политиката на локалната самоуправа за спроведување и почитување на правилата и прописите, а со тоа и постигнување на целта за уреден град, во кој Широк Сокак навистина ќе биде широк, стои во сооштението на Општина Битола.

More from ВестиMore posts in Вести »