Ален Рустемовски од Битола член на боксерскиот клуб Пелистерски јунак од Битола по втор пат го освои трофејот на Меѓународниот меморијален бокс турнир „Мирослав Петровиќ“ во Куманово.За најдобар домашен боксерски тренер на кумановскиот турнир е прогласен Јове Петровски – Оцо исто така од Битола. Ален Рустемоски во категорија до 60 килограми во сениорска конкуренција во финалето го победи Драган Груиќ од Словенија, со 3:0 на поени.
Адријан Рустемовски имаше два настапи и забележа две убедливи победи. Во полуфиналето против претставникот на Романија – Александар Попеску победи со резултат од 2:0 и во финалето против претставникот на Молдавија – Владимир Меленциуц исто така победи со резултат 2:0.На Меѓународниот меморијален бокс турнир “Мирослав Петровиќ“ во Куманово како судија беше и битолчанецот Цане Георгиевски, кој беше прогласен за најдобар судија од страна на вечните легенди на боксот Реџеп Реџеповски, Аце Русевски и Тадија Качар.