Викендов од 28 до 30 јуни во Битола ќе се одржи Балканското првенство во џудо за помлади пионери и пионерки. Балканското првенство е во организација на џудо Федерацијата на Македонија, а технички организатор е џудо клубот Пелистер од Битола.
Дејан Мицкоски, спортски директор на Џудо федерацијата на Македонија, за престојното балканско првенство вели:
-На прагот сме на Балканското првенество кои започнува утре во спортската сала “Боро Чурлевски“ во Битола, а подготвски се завршени во целост, а денес ги пречекуваме и репрезентациите уесници. Технички се е поставени, татамите и останатите средства, а вчера извршивме и генерална проба на целата техника. Пријавени 420 натпреварувачи и над 100 стручни лица (тренери, судии и останати комисии) од 11 држави (Албанија, Бугарија, Грција, Романија, Молдавија, Кипар, Босна и Херцеговина, Црна Гора, Косово, Турција и домаќинот Македонија). Имаме 16 официјални лица од Балканската џудо федерација, а присутен ќе биде и јапонскиот амбасадор во Македонија.
За очекувањата Дејан Мицкоски додава:
-Во Битола доаѓаат најдобрите, поточно шампионите од сите 11 држави и очекуваме дека ќе се манифестира високо квалитетно џудо пто заначи дека ќе биде тешко да се дојде до медал, а но ние како Македонија, со нашата репрезентација се надеваме и за освојување на некој медал. Самото одржување на Балканскот0 првенетсво ќе биде и од голем придонес за македонското џудо. Самото присуство на толку голем број на стручни лица и официјални лица од Балканската федерација ќе значат и контакти со нашите стручни лица, размена на искуства и договарање на понатамошна соработка во поглед на заеднички џудо кампови, заеднички тренинзи, учество на турнири, односно подигнување на нивото на македонското џудо.
Технички организатор на Балканското првенство ќе биде џудо клубот Пелистер, кој ја доби целосната доверба за органзација. Ѓуро Илиќ од џудо клубот Пелистер вели:
-Ние како џудо клуб Пелистер целосно одговоривме на обврската која ја добивме од федерацијата со оглед на тоа дека имаме одлични организациони способности кои многупати сме ги потврдиле. Мислам дека ги обезведивме сите услови за одржување на оваа единствена манифеатација од ваков карактер во Битола и Македонија, од нашето постоење до сега. Оваа година прославуваме 55 години од формирањето на џудо клубот Пелистер од Битола, а тоа беше и поводот ние да бидеме “домаќини“ на првенството. Ова е една една сатисфакција за нас од страна на џудо федерацијата за нас по повод голениот јубилеј. 
-Во спортската сала “Боро Чурлевски“ се поставени 4 борилишта каде ќе се одржуваат борбите во два дена и останатите услови согласно барањата на Балканска џудо федерација. Подготвена и е малата сала каде ќе се одржуваат подготовките на џудистите. Прелиминарните борби започнуваат утре, сабота од 10 часот а додека свеченото отварање е закажано истиот ден во 16 часот каде се очекуваат високи гости од Балканската џудо Федерација како и останати гости, вели Илиќ.
Гостите ќе имаа прилика да запознаат дел и од историјата на Битола, ќе го посетат Музејот, Херклеја, а ќе ни бидат гости на сите, на Широк Сокак.
Сашо Ристевски
