Надзорниот одбор на АД ЕСМ, по препорака на Владата го назначи новиот Управен одбор на компанијата. За претседател на Управниот одбор и генерален директор на АД ЕСМ, именуван е Лaзо Узунчев, дипломиран машински инженер со претходно долгогодишно работно искуство на менаџерски позиции во приватниот сектор.
Во состав на Управниот одбор на друштвото во државна сопственост, покрај Узунчев, именувани се и останатите членови Ѓорѓи Ѓорѓиевски директор за правни и општи работи, Зоран Коњановски директор на производство.
Виктор Јовановски директор за комерцијални работи, Иван Стојановски директор за финансиски работи и Владимир Пејоски директор на развој и инвестиции.
Со изборот на новите членови на Управниот одбор, приоритет е енергетска стабилност на државата преку ефикасно управување, финансиска консолидација и зајакнување на капацитетите на компанијата на сите нивоа, соопштија од прес службата на Владата.
