Во организација на Универзитетското студентско собрание и Студентскиот правобранител на Универзитетот ,,Св. Климент Охридски“ – Битола, одржана е работилница „Започни мудро, заврши успешно“ наменета за студентите во прва година на прв циклус судии на УКЛО.
Целта на овој интересен настан е бруцошите да се запознаат со постојните студентски тела на УКЛО, со своите права и обврски и воедно да се поттикнат да учествуваат во активности што се организираат за нив и да ги осознаат придобивките што ги добиваат како студенти на Универзитетот.
Претседателот на УСС УКЛО, Борис Гушевски и студентскиот правобранител, Стојанка Ќупчева, со инспиративни обраќања ги охрабрија бруцошите да излезат од својата комфорн зона, да научат како да се справат со студентските обврски, но истовремено да бидат и проактивни и да се надградуваат како личности.
Проректорката за студенстки работи, проф. д-р Јасмина Буневска – Талевска, поздравувајќи ги ваквите настани, напомена дека УКЛО е првиот државен универзитет во земјава што има изготвено Правилник за вреднување на воннаставните активности на студентите кој предвидува добивање дополнителни ЕКТС кредитити за нивните ангажмани надвор од наставата.
Бруцошите се информираа и за работата на Психолошкото советовалиште на УКЛО, а беа запознати и за соработката на Универзитетот со Општинската организација на Црвениот крст – Битола.
Свои обраќања имаа и претставници од невладината организација Секој студент–Скопје во својство на партнери во организирање на работилницата.
