Синоќа во Офицерски дом во Битола беше затворен 16. фестивал на Музика од светот кој го организира Центарот за култура од Битола. Се одржуваше четири дена, а Битола уште еднаш ќе биде домаќин на уникатна музичка приказна што ги зближува звуците и емоциите на светот.
Фестивалот са одржа од 28 ноември до 1 декември и ќе донесе уникатни настапи кои ја слават различноста и богатството на музиката од целиот свет.
Завршната вечер, на 1 декември, беше резервирана за Балкан мјузик проџект, настап на Дувачки квинтет Македонија и Дувачки квинтет на Белградската филхармонија.
Овие реномирани изведувачи на публиката во Битола им претставија дела инспирирани од балканската музичка традиција.
-Овој фестивал е повеќе од музичка манифестација – тој е место каде што културите се спојуваат и се создава заедничка хармонија. Годинешната програма е внимателно креирана за да понуди патување низ различни жанрови и традиции, пренесувајќи ги универзалните емоции преку звукот, изјави Андоновска Илијевски.
Првата вечер беше резервирана за „Волкот на љубовта,“ поетско-музички перформанс на Бранислав Николов и Тихомир Јанчовски. Втората вечер настапи Камерниот оркестар со програмата „Етно симфонија,“ во која учествуваат Сузана Спасовска (вокал), Благојче Трајковски (кларинет) и Петар Горко (актер). На 30 ноември битолчани го слушаа Маноло Гименез, легендарниот глас на Gipsy Kings, со својот бенд.
Жанета Ристевска
Фото: Дамијана Ристевска
