-Вечерва, како и синоќа врнежливо време во Битола на платото пред Офицерски дом, а за загревање покрај “Деспина“ настапија Игор Димовски – “Пауза за ракија“ и Дарко Гроздановски и бендот.
-DJ-сет со видео мапинг во Пацио на НУ Завод и музеј – Битола со специјални видео ефекти.
Како и претходните, така и 7. ден од “Зимската приказна“ која ја организира Општина Битола за дочекот на Новата 2025 година донесе програма на повеќе локации низ Битола, а настапија повеќе изведувачи и групи, кои и покрај студеното и врнежливо време привлекоа голем број на публика.
По два дена кога настапува изведувачи од други градови, битолчани имаа прилика да гледаат познати лица и познати гласови, односно групата “Деспина“.
Битолчаните на публиката им понудија програма која не само со која го привлекоа вниманието, туку и ги загреаја песна и малку подигрување, дополнето со топло вино и ракија.
Претходно на платото пред Офицерски настапија и Игор Димовски – “Пауза за ракија“ и Дарко Гроздановски и бендот.
Посебно атмосферата, со својата хармоника и прекрасните тонови, за подигна Игор Димовски кој очекувано доби многу аплаузи.
Вечерва во Пациото на НУ Завод и музеј – Битола имаше и DJ сет со видео мапинг со специјални видео ефекти, а тоа беше дел од трите уникатни настани од “Smart4You2: Event ArtQuake“, а вклопен во “Зимската приказна“.
Во претпладевиот термин во Старата битолска чаршија се одржа “Инклузија“ – О2МП – Кафе бар „Улаф сте“, “Месила Баба зелниче“ во изведба на КУД „Илинден“ – Битола, настап на групата “Чапче и тајфата“, на бендот “Нова Акустик“ и на “Магнум Бенд“.
И денес имаше детска театарска претстава “Снежната кралица“ според истоимената
бајка на Ханс Кристијан Андерсен.
Утре во рамни на 8. ден од “Зимската приказна“ на главната сцена на платото кај Офицерски ќе настапат Виктор Апостоловски, трио “Џентлмен“ и група “Гром“.
