“Bitolanews“ во Хрватска, на Светско
Македонските навивачи во Хрватска кои се дојдени да ја бодрат македонската раометна селекција на Светското првенство, од коои најголем број се од Битола, денешниот ден го искористија за посета на Загреб и некои атрактивни места кои се во близина на градот и на Вараждин каде има исто така голем број.
Најголем број на навивачи, посебно битолчани, денес и вечерва се во Загреб, каде се сместени од страна на туристичките агенции од Битола, “ЈК Травел“, Турист“ и С- травел“ и организирано се забавуваат, пеејќи навивачки песни, а сето тоа е прифатено од угостителите и насекаде се добредојдени и топло поздравени. 
-По посетата на Крапински Топлице во текот на денот вечерва се наоѓаме во одлично уредениот “Chillout“ кој се наоѓа во строгиот центар на Загрев, а кој покрај одличното сместување нуди и забава 24 часа во рамките на објектот. Се одлучивме за овој хотел и не згрешивме, а тоа ни го потврдија и сите гости. Се договориме и за како ќе го поминеме утрешниот ден пред да заминеме за Вараждин, ќе ги бориме македонските ракометари за победа, а потоа се враќаме на забава во Загрев, каде се надеваме, ќе ја прославиме и победата на Македонија, вели Горан Спировски од агенцијата “Турист“.
-Нерешеното и изгубениот бод вчера против Унгарија не се заборава, но ќе се заборави утре по победата. Одиме со оптимизам, а тоа се гледа уште вечерва. Што се однесува пак до денешниот ден, одлично го поминавме, вечерва забава, а утре во Вараждин по нова победа. Нека брани Николче, нека клава голови Кузмановски, нека се добри нашите, Пешевски, Костески, близнаците Атанасијевиќ и победата не ни “бега“, со оптимизам велат навивачите од Битола, кои ги прекинавме додека на сред Загреб ја пееја “Излези момче на тераса и поздравија Гоцевата раса…“
Оние кои останаа денес во Загреб ги посетија туристичките знаменитости, шопингуваа, се напија кафе во кулните загребски кафулина, беа до убавата зграда на хрватската влада, видоковецот, стариот Загреб…, а дел од нив ја продолжуваат вечерва забавата во големиот број на ноќни клубови.
Каде и да одат утре сите по 14 часот ќе се најдат во фан-зоната во Вараждин, во локалот “Медина Шкриња“, а од таму во кортео ќе одат во спортската сала “Арена Вараждин“, каде Македонија во 18 часот, ќе игра против Холандија, а по победата, која сите ја посакуваат, забавата ќе продолжи насекаде каде има македонски навивачи.
Сашо Ристевски
