На денешната вонредна седница на Советот на Општина Битола донесе одлука од Буџетот на Општина Битола да издвои два милиони денари, околу 32.000 евра, финансиска помош за семејствата на починатите и за повредените лица во пожарот што се случи во Кочани.
Одлуката беше донесена едногласно, еден милион ќе бидат одвоени за семејствата на починатите, а еден милион ќе бидат наменети за повредените лица во пожарот.
Членовите на општинскиот совет и градоначалникот Тони Коњановски со минута молчење оддадоа почит на загинатите лица, а потоа посакаа брзо заздравување на повредените кои во моментов се лекуваат во државата и странство.
