Бутел – Еурофарм Пелистер 22:34 (9:15)
Екипата на Еурофарм Пелистер од Битола го одигра натпреварот од 4. коло од плеј-офот во кој славеше сигурна победа на гостувањето кај Бутел Скопје со 22:34, полувреме 9:15.
Тренерот Раул Алонсо и даде шанса на сите ракометри и ја искористија приликата да се запишаа во листата на стрелците, освен дефанзивецот Илија Абутовиќ.
“Пелистерци“ отворија добро и имаа 3:8, а до полувремето постигнаа 15 гола, а противникот девет. Во вториот дел се замина на двоцифрен плус 14:24, а до крајот на натпреварот разликата се зголеми на +12, или резултат 22:34.
Најефикасен беше Дејан Манасков со 6 гола, а Домен Тајник, Урош Борзаш и Усама Хосни постигана по 3 гола.
Н0, во тимот на Еурофарм Пелистер се повреди Цветан Кузманоски. Левото крило по една контра имаше лош пад по доскок, па падна на теренот и не можеше да застане на нозе. Откако лекарите го донесоа на клупата, на раце го крена Жарко Пешевски и го изнесе надвор од теренот за да замине на лекарски прегледи во болница.
За каква повреда на Кузманоски се работи ќе биде појасно по деталните прегледи во болница.
