-Битолските средношколци излегоа на протестен марш низ Битола за да кажат стоп за лошите реформи во средното образование, а тоа не беше за прв пат во Битола да имаме средношколци протести во нашиот град, започна со своите сеќавања Димче Миновски, хроничар на Битола и доајен на битолското новинарство.
Маршот на средношколците започна од средното медицинско училиште “Д-р Јован Калаузи“, а колоната преку битолски Широк Сокак се упати кон општина Битола, кадешто средношколците ги доставија до Секторот за образование двете барања, укинување на екстернотот тестирање и враќање на стариот модел на државна матура.
Средношколците добија целосна поддршка од студентскиот и наставничкиот пленум, а нив им се приклучија и нивните родители, пензионери и други граѓани.
Од битолскиот Средношколски пленум, тогаш, се пожалија дека се соочиле со притисоци, етикетирања и закани и дека маршот би имал поголема масовност доколу голем број ученици не биле спречени да им се приклучат.
Средношколски марш во Битола помина мирно и не беа забележеани никакви инциденти.
