Први јуни, во многу земји се прославува како Меѓународен ден на детето. Одлука за прогласување на овој ден да се слават децата е донесена од страна на УНИЦЕФ во 1925 година на Светската конференција за благосостојба на децата одржана во Женева, Швајцарија и претставуваше нов почеток во подобрување на можностите за најмладите.
Се слави и 20 ноември како Светскиот ден на детето. Овој датум беше усвоен во 1954 година од страна на Обединетите нации. Во 1959 беше усвоена Декларација за правата на детето, а на истиот ден во 1989 година и Конвенцијата за правата на детето. Некаде се прославува и цела недела. Но, секогаш целта е иста.
Минатата недела со бројни активности Меѓународен ден на детето се одбележуваше во ДГ “Мали Генијалци”. Постојат од 2014 година, а од минатата година се на нова локација на ул. “Дедо Иљо Малешевски“ бр. 25 (во старата касарна). Работното време е од 7 до 17 часот и згрижуваат деца во целодневен престој на возраст од 0 до 6 годишна возраст во три воспитни групи, од 0-2 години, од 2-4 и од 4-6 години.
Нивниот тим е составен од млади ентузијасти, но и искусен и посветен кадар, кој секојдневното одењето во градинка на Вашето дете го прави вистинско уживање, а паралелно низ игра учи и да се стекнува со нови вештини. Со стимулирачко опкружување, едукативна програма, креативни работилници, моторички активности, настава на англиски јазик, факултативни едукативни и слободни прошетки се само дел од активностите кои ги спроведува градинката за правилен раст и развој на секое дете.
“Не само оваа недела, туку секој ден, ги мотивираме, инспирираме, охрабруваме и поддржуваме децата преку создавање на безбедна, развојно-воспитна и грижлива средина која резултира со социјален, емоционален, когнитивен и физички развој. Ги поттикнуваме да создаваат позитивна слика за себе како и љубов кон знаењето, со единствена цел да обезбедат силна основа за понатамошни успеси во животот” – потенцираше директорката Елена Неделковска.
Текст : Пр Линк Маркетинг
Фотографии : Приватна архива
