Екипата на ОК Пелистер Волеј од Битола промовира ново интернационално засилување, тоа е Алина Жевлакова од Мозир, Белорусија, и клубот ќе го засили на позицијата техничар.
Алина Жевлакова последната сезона настапуваше во шампионатот на Албанија во екипата на Поградец.
-Нејзината енергичност и борбеност на теренот сигурни сме дека ќе бидат одлично решение за составување и докомплетирање на екипата која полека но сигурно го добива својот нов суперлигашки лик. Таа подолг период беше таргет и посакувана опција за Пелистер, па по речиси три месечни преговори нејзината нова дестинација е Битола, односно Пелистер Волеј, соопштија од Пелистер Волеј.
Алина е нашето четврто засилување за оваа сезона, а пред неа во Пелистер дојдоа: Shynique Nicole McGee од САД, како и Симона Стојановска и Ева Трпеновска.
