Управата на Пелистер Волеј од Битола продолжува со официјализирање на новите засилувања на тимот за следната сезона. Најновото засилување е во името на Мартина Николова од кое се очекуваат одлични партии во зелено-белиот дрес.
Мартина Николова доаѓа од редовите на Работнички Скопје и има блескава клупска и репрезентативна кариера, дури 3 двојни круни и вкупно 4 шампионски титули
-Мартина игра на позицијата среден блокер и со своето големо искуство таа сигурно ќе биди од големо значење за нашата екипа, а во продолжение погледнете кои се нејзините досегашни успеси во кариерата. Во своето резиме има три дупли круни и вкупно четири шампионски титули. Пелистер Волеј има големи амбиции за следната сезона, а тоа го докажува со ангажирањето на неколку искусни и квалитетни одбојкарки, соопштија од Пелистер Волеј.
Претходно, во Битола пристигнаа Белорусинката Алина Жевлакова, Македонките Ева Трпеновска и Симона Стојановска, како и Американката Шиник Никол МеКги.
