Убави вести од Универзитетот „Св. Климент Охридски“ – Битола. Во првиот уписен рок за академската 2025/2026 година, забележано е значително зголемување на бројот на пријавени студенти на вториот и третиот циклус студии. Во споредба со минатата година, кога имавме раст од 14% на втор циклус и благо намалување на третиот, годинашните резултати покажуваат континуиран пораст и во двата циклуса – тренд што претставува огромен успех за Универзитетот и сите негови академски единици, изјави ректорот, птроф. д-р Игор Неделковски.
– Според него, иако овие студии се помалку застапени во јавниот дискурс, вториот и третиот циклус се подеднакво значајни како и првиот циклус, особено кога станува збор за создавање на високо квалификувани кадри, истражувачи и академски експерти подготвени да одговорат на современите општествени и пазарни предизвици.
Во пресрет на дополнителните уписни рокови до крајот на годината, Универзитетот и неговите единици интензивно работат на афирмативни и промотивни активности со цел привлекување на уште поголем број студенти. Очекувањата се оптимистички – интересот за магистерски, специјалистички и докторски студии на УКЛО е во постојан раст.
Меѓу клучните фактори за овој позитивен тренд се и можностите што ги нуди Универзитетот преку активното членство во европската универзитетска Алијанса КОЛОРС https://uklo.edu.mk/
Вториот и третиот циклус се чекор напред за сите што сакаат да ја продлабочат својата стручност, да се вклучат во истражувачки проекти со регионално и европско значење, и да станат дел од новата генерација на лидери во науката, индустријата и јавниот сектор.
Уписите на УКЛО продолжуваат со втор уписен рок 21.10.2025. Пораката до сите заинтересирани е – да ги искористат можностите што ги нуди УКЛО – Универзитет со визија, традиција и силни европски врски.
https://uklo.edu.mk/wp-
https://uklo.edu.mk/wp-
