После победата на локалните избори 2025, на листата за советници за Совет на Општина Битола, која освои апсолутн мнозинсто со освоени 16 советнички мандати, носителот на листата, проф. д-р Филип Поповски им се заблагодари на битолчани.
-ДРАГИ БИТОЛЧАНИ,
Од срце ви благодарам за огромната поддршка и доверба што ни ја укажавте!
Победата на ВМРО-ДПМНЕ во Битола е победа на народот. Како носител на победничката советничка листа, искрено ви благодарам што со вашиот глас овозможивте да имаме мнозинство во Советот, а истовремено нашиот кандидат за градоначалник, д-р Тони Коњановски, да победи уште во првиот круг.
Ова не е само изборен резултат – ова е обврска: да служиме чесно, да работиме посветено и да покажеме дека Битола може и заслужува многу подобро.
Ветуваме дека вашата доверба ќе ја оправдаме со дела – со развој, напредок и вистински промени што ќе се почувствуваат во секое маало и во секое семејство.
Благодарам на сите што застанаа зад нас.
Заедно ја почнуваме новата приказна за Битола.
Продолжуваме посилно – за Битола каква што сите ја сакаме!, стои во обраќањето на Филип Поповски.
